嘩嘩嘩！我哋今朝睇咗《希魔》喇！

一貫塔倫天奴style，玩嘢、暴力、爆血爆頭，睇到我哋「時時」聲。今次玩二戰同納粹呢個題材，正如佢所講，「用電影打倒希特拉」，勁！

型佬畢彼特搶鏡固之然，但其他角色都好搞鬼好有睇頭，值得一提嘅當然係憑呢套戲攞康城影帝嘅基斯托夫華薩，睇過佢嘅演技，仲要英德法意4種語言都揮灑自如，大家真係要入場睇吓佢有幾犀利！

不過呢，我哋今日睇呢個係原裝三級冇刪剪版，至於正式上畫時係上咩版本，真係唔知...希望大家都有機會睇到uncut version喇～